VƏTƏNDAŞLARDAN NARKOTİK VASİTƏLƏR GÖTÜRÜLMÜŞDÜR
Daxili İşlər Nazirliyinin mətbuat xidmətindən AZƏRTAC-a bildirmişlər ki, əməliyyat tədbirləri nəticəsində Binəqədi Rayon Polis İdarəsinin 40-cı bölməsinin əməkdaşları Azər Bəndəliyevdən 0,222 qram, Nərimanov Rayon Polis İdarəsinin əməkdaşları isə Xızı rayon sakini Abbas Həsənovdan 0,259 qram heroin götürmüşlər.
Nizami Rayon Polis İdarəsinin əməkdaşları Bakı şəhər sakinləri Amil Paşayevdən 0,038 qram, Əli Kərimovdan 0,034 qram heroin, Dəvəçi Rayon Polis Şöbəsinin əməkdaşları rayon sakini, əvvəllər məhkum olunmuş Emin Fərzəliyevdən 2 qram tiryək müsadirə etmişlər.
Goranboy Rayon Polis Şöbəsinin əməkdaşları tərəfindən Quşçular kənd bələdiyyəsinə məxsus 0,18 hektar sahədən yabanı halda bitmiş, çəkisi 380 kiloqram olan 1280 ədəd çətənə kolu yığılaraq məhv edilmişdir.
Bütün faktlarla bağlı araşdırmalar aparılır.
Bölmənin digər xəbərləri
