VƏTƏNDAŞLARDAN NARKOTİK VASİTƏLƏR GÖTÜRÜLMÜŞDÜR
Daxili İşlər Nazirliyinin mətbuat xidmətindən AZƏRTAC-a bildirmişlər ki, Baş Mühafizə İdarəsinin və Nizami Rayon Polis İdarəsinin əməkdaşları Bakı şəhər sakini Fuad Cümşüdovdan 0,206 qram, Suraxanı Rayon Polis İdarəsinin 31-ci bölməsinin əməkdaşları qəsəbə sakini, əvvəllər məhkum olunmuş Fuad Quliyevdən 0,321 qram heroin götürmüşlər.
Bərdə Rayon Polis Şöbəsinin əməkdaşları Mustafağalı kənd sakini Samir Səfərovun həyətyanı sahəsindən kultivasiya yolu ilə yetişdirilmiş, çəkisi 1,65 kiloqram olan 14 ədəd çətənə kolu, evinə baxış zamanı isə 475 qram marixuana aşkarlamışlar.
Əzizbəyov rayonunun Şağan qəsəbə sakini Nina Məmmədova Mərdəkan qəsəbəsində yaşayan Rusiya vətəndaşı, əvvəllər məhkum olunmuş Alixan Ersamirzəyevdən aldığı 0,619 qram heroini könüllü olaraq 1-ci polis bölməsinə təhvil vermişdir.
Faktlarla bağlı araşdırmalar aparılır.
Bölmənin digər xəbərləri
