VIII BEYNƏLXALQ “BAKITEL-2002” SƏRGİSİ
Bu gün 9-da Bakıda YIII Beynəlxalq “Bakıtel-2002” telekommunikasiya və kompüter texnologiyaları sərgisi açılır.
İTE Qrupp PlS və “Iteka Kaspian LTD” şirkətləri tərəfindən təşkil olunmuş sərgidə Rusiya, Türkiyə, Almaniya, Finlandiya, Böyük Britaniya, İsrail, İtaliya, ABŞ, Latviya, Çin və digər ölkələrdən 60-a yaxın şirkət öz xidmətlərini və məhsullarını nümayiş etdirəcəkdir.
Sərgi çərçivəsində “Azavrotel”, “Topaz”, “Robertson və Blums” şirkətləri təqdimat mərasimləri təşkil edəcək, habelə Cənubi Qafqaz ölkələrinin telekommunikasiya bazarına həsr edilmiş “Dəyirmi masa” keçiriləcəkdir. “Dəyirmi masa”da kompüter bazarı və texnologiyalar, proqram təchizatı, bank informasiyası texnologiyalaları məsələləri müzakirə olunacaqdır.
Sərginin keçirilməsindən məqsəd xarici şirkətləri informasiya-kommunikasiya texnologiyaları sahəsində Azərbaycanın məhsul və rabitə xidmətləri bazarı ilə tanış etməkdir. Mütəxəssislərin fikrincə, bu, iqtisadiyyatın həmin sahəsinə sərmayə qoyan xarici şirkətlərin diqqətini cəlb etməyə imkan verəcəkdir.
Bölmənin digər xəbərləri
