İDMAN
Visente Qomes Azərbaycan Premyer Liqasında 57-ci legioner baş məşqçi olub
![Visente Qomes Azərbaycan Premyer Liqasında 57-ci legioner baş məşqçi olub](/files/2020/2/1200x630/15983624193183432076_1200x630.jpg)
Bakı, 25 avqust, AZƏRTAC
Bakının “Sabah” futbol klubunun baş məşqçisi Visente Qomes Azərbaycan Premyer Liqasında debüt edib.
AZƏRTAC xəbər verir ki, bu, 2020-2021-ci il mövsümünün birinci turunun “Qarabağ”la səfər matçına təsadüf edib. İspaniyalının debütü 0:2 hesablı məğlubiyyətlə əlamətdar olub. Qomes ölkə çempionatları tarixinə 57-ci legioner baş məşqçi kimi düşüb. Cari mövsümün startına qədər 56 əcnəbi çempionatın güclülər dəstəsində iş başında olub. “Sabah”ın çalışdırıcısı bu siyahıya düşən 3-cü ispaniyalıdır. Onadək iki həmyerlisi Premyer Liqa həyəcanı yaşayıb. İspaniyalıların hər ikisi 2012-2013-cü il mövsümündə debüt edib. Karles Martorell Bakes çempionatın gedişində “Xəzər Lənkəran”ı 10 matça çıxarıb. Luis Araqon həmin mövsümün son 8 turunda “Qəbələ”nin əsas komandasına rəhbərlik edib.