“Wildberries” Azərbaycanda mağaza açmağı planlaşdırır
Moskva, 2 aprel, AZƏRTAC
Rusiyanın “Wildberries” şirkəti Azərbaycanda öz mağazasını açmağı planlaşdırır.
AZƏRTAC xəbər verir ki, “Wildberries” şirkətinin yaradıcısı və baş direktoru Tatyana Bakalçuk “Rossiya-24” telekanalına müsahibəsində şirkətin 2019-cu ildə MDB və Aİ ölkələrində fəaliyyət göstərməyi, həmçinin məhsul çeşidlərini genişləndirməyi nəzərdə tutduğunu bildirib. T.Bakalçuk şirkətin mağazalarının açılacağı ölkələr sırasında Azərbaycan, Gürcüstan və Özbəkistanın adını çəkib.
Rusiyanın “Wildberries” beynəlxalq internet mağazası müxtəlif kateqoriyadan olan mallar, o cümlədən geyim, ayaqqabı, elektronika, uşaq malları, ev üçün malların satışı ilə məşğuldur. Şirkət Rusiya ilə yanaşı, Belarus, Qazaxıstan və Qırğızıstanda da fəaliyyət göstərir.
Fəridə Abdullayeva
AZƏRTAC-ın xüsusi müxbiri
Moskva
Bölmənin digər xəbərləri
