XALQ RƏSSAMI ELBƏY RZAQULİYEVİN FƏRDİ SƏRGİSİ AÇILMIŞDIR
Açılış mərasimində mədəniyyət və turizm nazirinin müavini Ədalət Vəliyev, Bəstəkarlar İttifaqının sədri, xalq rəssamı Fərhad Xəlilov, əməkdar incəsənət xadimi Sara Manafova və başqaları çıxış edərək, rəssamı 80 illik yubileyi və fərdi sərgisi münasibətilə təbrik etmiş, ona yaradıcılıq uğurları və cansağlığı arzulamışlar.
Mərasimdə ölkəmizin Rusiyadakı səfiri, xalq artisti Polad Bülbüloğlunun rəssama təbrik məktubu oxunmuş, dostları, yaxınları ürək sözlərini söyləmişlər.
Sonda rəssamın qızı Aytən Rzaquliyeva atasına göstərilən diqqət və qayğıya görə, Mədəniyyət və Turizm Nazirliyinə, tədbirin təşkilatçılarına və iştirakçılarına ailəsi adından minnətdarlığını bildirmişdir.
Ə.Vəliyev rəmzi qırmızı lenti kəsmiş və sənətkarın rəngli boya ilə çəkilmiş əsərləri nümayiş etdirilmişdir. Rəssamın “Abşeron natürmortu”, “Kənddə”, “Qürub”, “Qağayılar”, “20-ci illər” və başqa əsərləri rəğbətlə qarşılanmışdır.
Bölmənin digər xəbərləri
