XALQ ŞAİRİ BƏXTİYAR VAHABZADƏYƏ “DÜNYADA İLİN ƏN BAŞARILI ŞAİRİ” MÜKAFATI VERİLMİŞDİR
25-də Türkiyənin Qəbzə şəhərində Gənc Sənayeçi və İş Adamları Dərnəyinin (GENSİAD) təntənəli yığıncağı keçirilmişdir. Yığıncaqda 2001-ci ildə Türkiyənin və dünyanın 45 ən başarılı adamına mükafatlar təqdim olundu. 2001-ci ilin ən başarılı şair-yazıçı və ədəbiyyatçısı nominasiyası üzrə mükafatı alan görkəmli adamlar arasında Qırğız yazıçısı Çingiz Aytmatov, Azərbaycanın xalq şairi Bəxtiyar Vahabzadə, Qazax şairi Muxtar Şaxanov və başqaları vardır.
Yığıncaqda Şimali Kipr Respublikasının Prezidenti Rauf Denktaş və Cümhuriyyət Xalq Partiyasının sədri Dəniz Baykal iştirak edirdilər. Cənab Rauf Denktaş görkəmli şair Bəxtiyar Vahabzadənin mükafatını Azərbaycan Respublikasının İstanbuldakı Baş konsulu Xeyrəddin Qocaya təqdim etdi. Baş konsul çıxış edərək, Bəxtiyar Vahabzadənin salamlarını salona toplaşanlara çatdırdı və şairin “Yaşamaq yanmaqdır, yanasan gərək” misrası ilə başlanan şerini söylədi.
Təntənəli yığıncaqda xalq şairi, Milli Məclisin deputatı Bəxtiyar Vahabzadənin məktubu və onun “Azərbaycan-Türkiyə” şeri oxundu.
Bölmənin digər xəbərləri
