Xalq Şairi Məmməd Arazın yubileyinə həsr edilmiş şeir müsabiqəsinin yekun turu keçiriləcək
Bakı, 18 noyabr (AZƏRTAC). Xəbər verdiyimiz kimi, Bakı şəhəri rayonlarının mərkəzləşdirilmiş kitabxana sistemlərinin (MKS) oxucuları arasında Xalq Şairi Məmməd Arazın 80 illik yubileyinə həsr olunmuş şeir müsabiqəsi keçirilir.
Bakı Şəhər Mədəniyyət və Turizm İdarəsindən AZƏRTAC-a bildirmişlər ki, noyabrın 18-də Səbail rayon MKS-nin 2 nömrəli filialında bu müsabiqənin rayonlararası yekun turu reallaşacaqdır.
Müsabiqə iştirakçıları 10 ballıq sistemlə qiymətləndiriləcək və qaliblər Bakı Şəhər Mədəniyyət və Turizm İdarəsinin diplom və hədiyyələri ilə mükafatlandırılacaqlar.
Müsabiqənin əsas məqsədi uşaqlar arasında mütaliənin təbliği, uşaq və gənclərdə müasir Azərbaycan və dünya ədəbiyyatına marağı artırmaq, uşaqlarda mütaliə vərdişlərini inkişaf etdirmək və istedadlı uşaqları aşkarlamaqdır.
Bölmənin digər xəbərləri
