XALQ ŞAİRİNİN SƏNƏDLƏRİ DÖVLƏT ARXİVİNDƏ
Xalq şairi Hökumə Billurinin zəngin şəxsi arxivi S.Mümtaz adına Azərbaycan Dövlət Ədəbiyyat və İncəsənət Arxivinə qəbul edilmişdir. Mərhum şairənin üstündə avtoqrafı olan 100-dən çox şeri, ötən əsrin 40-50-ci illərində ölkəmizin tanınmış yazıçı və şairləri - Abdulla Şaiq, Səməd Vurğun, Əli Vəliyev, Hüseyn Mehdi, Süleyman Rəhimov, Mirzə İbrahimov, Rəsul Rza, Süleyman Rüstəm və başqa sənətkarlarımızla birgə fotoşəkilləri sənədlər arasında diqqəti xüsusi cəlb edir.
Müxtəlif vaxtlarda öz həmkarları ilə yazışmalarını əks etdirən məktublar həm Hökumə Billurinin həyat və yaradıcılığını, həm də XX əsrin 40-90-cı illərində ədəbiyyat tariximizi öyrənmək baxımından əhəmiyyətlidir.
Bölmənin digər xəbərləri
