XARİCİ TİCARƏTİN DÖVRİYYƏSİ ARTMIŞDIR
Dövlət Statistika Komitəsindən AZƏRTAC-a bildirmişlər ki, həmin dövrdə xarici ticarət dövriyyəsinin ümumi həcmi 2,8 milyard ABŞ dolları, o cümlədən ixrac 1,3 milyard, idxal 1,5 milyard dollar təşkil etmişdir. Keçən ilin ilk altı ayı ilə müqayisədə xarici ticarət dövriyyəsinin həcmi 33,7 faiz, ixrac 33,8 faiz, idxal 33,6 faiz artmışdır.
İxrac-idxal əməliyyatlarının 36,2 faizi Avropa Birliyi ölkələrinin, 31,9 faizi MDB ölkələrinin, 31,9 faizi digər ölkələrin payına düşmüşdür. Ümumi dövriyyənin 53,6 faizi Avropa, 42,6 faizi Asiya, 3,0 faizi Amerika, 0,6 faizi Afrika ölkələrinin, 0,2 faizi Okeaniyanın payına düşmüşdür. Xarici ticarət əməliyyatlarının çox hissəsi İtaliya, Rusiya, Türkmənistan, Qazaxıstan, İngiltərə, Türkiyə, İsrail, İran, Çin, Almaniya, Gürcüstan, Ukrayna, Amerika Birləşmiş Ştatları və Fransa ilə olmuşdur.
Bölmənin digər xəbərləri
