XƏSTƏLƏRİN REABİLİTASİYASI DİQQƏT MƏRKƏZİNDƏDİR
Gəncə psixatriya xəstəxanasında ruhi xəstələrin reabilitasiyası məqsədilə rəsm, musiqi və biçmə-tikmə dərnəkləri yaradılmışdır. Xəstələr bu dərnəklərdə məşğul olmaqla həm bacarıqlarını nümayiş etdirir, həm də əqli sağlamlıqlarını bərpa edirlər. İngiltərənin CARD təşkilatı bu xeyirxah işdə onlara yardımçı olmuşdur. Həmin təşkilatın nümayəndələri tez-tez xəstəxanaya gəlir, xəstələrin müalicə edilərək, cəmiyyətə yenidən inteqrasiya olunmalarına kömək göstərirlər. Hətta onlar bir neçə dəfə xarici ölkələrdə xəstələrin əl işlərindən ibarət satış-sərgilər də təşkil etmişlər. Əldə edilən vəsait xəstələrin müalicəsinə sərf olunur. Bu günlərdə təşkilatın bir qrup nümayəndəsi yenə də xəstəxanaya gəlmiş, xəstələrin reabilitasiyası prosesi ilə maraqlanmışlar.
Bölmənin digər xəbərləri
