“XƏZƏR-LƏNKƏRAN” KLUBUNUN YENİ BAŞ MƏŞQÇİSİ RUMINİYALI MİRÇA REDNİK OLMUŞDUR
Bakı, 17 iyul (AZƏRTAC). Qarşıdakı iki il ərzində “Xəzər-Lənkəran” futbol klubunun əsas heyətinin baş məşqçisi rumıniyalı Mirça Rednik olacaqdır.
Mirça Rednik futbolçu karyerasını 1978-ci ildə “Korvinul-Xunedoara” klubunda başlamışdır. Bu komandanın heyətində 3 il ərzində 96 oyunda iştirak etmiş, rəqiblərin qapısına 6 qol vurmuşdur.
M.Rednik 1984-cü ildə Fransada keçirilən Avropa çempionatının 3 oyununun və 1990-cı ildə İtaliyada keçirilən dünya çempionatının 4 qarşılaşmasının iştirakçısıdır.
O, 1984, 1990 və 1999-cu illərdə Rumıniya çempionu olmuş, Rumıniya kubokunun 1984, 1986, 1990 və 1998-ci illərdə və Belçika kubokunun 1993-cü ildə sahibi olmuşdur.
2000-ci ildə futbol karyerasını tamamlayan rumıniyalı mütəxəssis məşqçilik fəaliyyətinə başlamışdır.
Bölmənin digər xəbərləri
