Xıdırbeqişvili: Düşünürəm ki, Mixail Kavelaşvili ölkələrimizin münasibətlərinin daha da möhkəmlənməsinə çalışacaq
Tbilisi, 29 dekabr, AZƏRTAC
Son bir ayda Zurabişvilinin Gürcüstanda gedən proseslərə yerli azərbaycanlıları da cəlb etmək cəhdi məhz onun iyrənc siyasətinin tərkib hissəsi idi.
AZƏRTAC xəbər verir ki, bu sözləri politoloq, qruzinform.ge portalının direktoru Arno Xıdırbeqişvili deyib.
"Amma yaxşı ki, Azərbaycanın praqmatik, hər şeyi layiqincə qiymətləndirməyi bacaran İlham Əliyev kimi Prezidenti var. Məhz onun düşünülmüş və balanslaşdırılmış siyasəti, eləcə də Gürcüstan hökumətinin rəhbərlərinin məqsədyönlü siyasətləri nəticəsində iki ölkə arasında dostluq münasibətləri korlanmadı. Düşünürəm ki, Gürcüstanın yeni prezidenti Mixail Kavelaşvili Azərbaycan-Gürcüstan münasibətlərinin möhkəmlənməsi üçün mühüm addımlar atacaq", - deyə Xıdırbeqişvili vurğulayıb.
Xətayi Əzizov
AZƏRTAC-ın xüsusi müxbiri
Tbilisi
Bölmənin digər xəbərləri
