XİİK NÜMAYƏNDƏ HEYƏTİ AVROPA ÖLKƏLƏRİNDƏKİ SAHİBKARLAR TƏŞKİLATLARI İLƏ GÖRÜŞLƏR KEÇİRMİŞDİR
AZƏRTAC xəbər verir ki, Xəzər İnteqrasiya İşgüzar Klubunun (XİİK) Avropa İttifaqı (Aİ) ölkələrində fəaliyyətinin genişlənməsi ilə əlaqədar qurumun nümayəndə heyəti Avropanın bir sıra ölkələrində sahibkarlar birlikləri ilə görüşlər keçirmişdir.
Almaniya, Çex Respublikası, Polşa, Avstriya və digər ölkələrdə keçirilən görüşlər tanışlıq xarakteri daşımış, yerli sahibkarları birləşdirən biznes-birliklərin təcrübəsini öyrənmək üçün məsləhətləşmələr aparılmışdır.
Yaxın aylar ərzində təcrübə mübadiləsini davam etdirmək və Klubun fəaliyyətini genişləndirmək məqsədi ilə Avropa ölkələrində yeni görüşlər planlaşdırılır.
Hazırda Klubun sıralarında dünyanın 30 ölkəsindən olan 500-dən artıq şirkət və təşkilat təmsil olunur. Klubun əsas məqsədləri biznes-hakimiyyət dialoqunun təşkil olunması və ölkənin neft sektorundan gələn gəlirin qeyri-neft sektorunun inkişafına cəlb edilməsidir.
Bölmənin digər xəbərləri
