“Xocalı-dərdim mənim!” mövzusunda ədəbi-bədii kompozisiya
Bakı, 25 fevral (AZƏRTAC). Respublika Qadınlar Cəmiyyəti Nərimanov rayon şöbəsində Xocalı soyqırımının 22-ci ildönümü ilə əlaqədar anma tədbiri keçirilmişdir.
AZƏRTAC xəbər verir ki, Cəmiyyətin sədri Bahar Qasımova, istefada olan polis polkovniki Gülbahar Məmmədova, qurumun Nərimanov rayon şöbəsinin sədri Şəhla Mirbağırova 1992-ci il fevralın 25-dən 26-na keçən gecə erməni silahlı birləşmələrinin xalqımıza qarşı törətdikləri soyqırımı aktından geniş söhbət açmışlar.
Bildirilmişdir ki, son illərdə soyqırımının beynəlxalq ictimaiyyətə çatdırılması istiqamətində böyük işlər görülməkdədir. Heydər Əliyev Fondunun vitse-prezidenti Leyla Əliyevanın 2008-ci il mayın 8-də irəli sürdüyü “Xocalıya ədalət!” Beynəlxalq təbliğat və məlumatlandırma kampaniyası soyqırımının dünya xalqları tərəfindən tanınacağına ümidləri artırır.
Tədbirdə Nərimanov rayonundakı 178 və 82 nömrəli məktəblərin şagirdlərinin ifasında “Xocalı- dərdim mənim!” mövzusunda ədəbi-bədii kompozisiya nümayiş etdirilmişdir.
Sonda ehsan süfrəsi açılmışdır.
Bölmənin digər xəbərləri
