Xorvatiya COVID-19-la bağlı yeni məhdudiyyətlər tətbiq edir
Zaqreb, 6 noyabr, AZƏRTAC
Xorvatiya hakimiyyəti ölkədə yeni koronavirusa yoluxmaların sayının son 24 saat ərzində rekord həddə çatdığı üçün kütləvi tədbirləri məhdudlaşdırmaq və COVID sertifikatlarının istifadəsini genişləndirmək qərarına gəlib.
Mərkəzi və Şərqi Avropanın çox hissəsində olduğu kimi, Xorvatiyada da son həftələrdə karantin məhdudiyyətlərinin yüngülləşdirilməsi səbəbindən xəstələrin və xəstəxanaya yerləşdirilmələrin sayında böyük artım müşahidə olunub. Xorvatiyanın daxili işlər naziri Davor Bozinoviç qeyd edib ki, şənbə günündən etibarən 50 nəfərə qədər insanın toplaşmasına və yığıncaqların gecə saat 12-də bitməsinə icazə verilir. Qurum rəsmisi onu da bildirib ki, noyabrın ortalarından etibarən ölkədə bütün dövlət qurumlarının, xüsusən də təhsil sahəsində çalışanlar üçün COVID vəsiqəsi tətbiq ediləcək.
İqbal Hacıyev
AZƏRTAC-ın xüsusi müxbiri
Zaqreb
Bölmənin digər xəbərləri
