YANVAR-İYUL AYLARINDA TİKİNTİ MÜƏSSİSƏLƏRİNDƏ 46,2 MİN NƏFƏR İŞLƏMİŞDİR
Dövlət Statistika Komitəsindən AZƏRTAC-a bildirmişlər ki, 2004-cü ilin yanvar-iyul aylarında fəaliyyət göstərən tikinti müəssisələrində işləyənlərin orta sayı əvvəlki ilin müvafiq dövrünə nisbətən 19,4 faiz artaraq 46,2 min nəfər olmuş, onların orta aylıq nominal əmək haqqı isə 1054,5 manat təşkil edərək 40 faiz çoxalmışdır.
İri və orta tikinti müəssisələrində işləyənlərin orta sayı 33,2 min nəfər, hər bir işçinin orta aylıq nominal əmək haqqı 1350,4 min manat olmuşdur. Xarici və qarışıq mülkiyyətdə olan tikinti müəssisələrində işləyən işçilərin orta aylıq əmək haqqı 2604 min manat, kiçik tikinti müəssisələrində işləyənlərin orta aylıq əmək haqqı isə 295,3 min manat olmuşdur.
Bölmənin digər xəbərləri
