Yanvar-iyun aylarında elektrik avadanlıqlarının istehsalı 84,1 faiz artıb
Bakı, 21 iyul, AZƏRTAC
2018-ci ilin yanvar-iyun aylarında kompüter, elektron və optik məhsulların, elektrik avadanlıqlarının istehsalı sahələrində 147,2 milyon manatlıq məhsul istehsal olunub. Ötən ilin yanvar-iyun ayları ilə müqayisədə kompüter, elektron və optik məhsulların istehsalı 10,6 faiz azalıb, elektrik avadanlıqlarının istehsalı isə 84,1 faiz artıb.
Dövlət Statistika Komitəsindən AZƏRTAC-a bildirilib ki, dövr ərzində əvvəlki ilin yanvar-iyun ayları ilə müqayisədə 1 kV-dan çox gərginlik üçün elektrik cərəyanı naqillərinin istehsalı 4,1 dəfə, elektrik paylayıcı və nəzarət cihazlarının hissələrinin istehsalı 2,7 dəfə artıb, məişət soyuducularının istehsalı 36,9 faiz azalıb.
Bölmənin digər xəbərləri
