YAPONİYA UZUNÖMÜRLÜLƏR ÖLKƏSİDİR
Gündoğar ölkəni cəsarətlə uzunömürlülər diyarı adlandırmaq olar - ölkənin 17934 vətəndaşı yüz yaş həddini keçmişdir. Səhiyyə və Əmək Nazirliyinin məlumatına görə, onların 84 faizi qadınlardır.
Nazirlik bildirir ki, hazırda dünyanın ən qoca adamı sayılan Kamato Xonqo Yaponiya adalarında yaşayır. Kaqosima sakini olan Kamato nənə sentyabrın 16-da 115 yaşını qeyd edəcəkdir. Yaşa görə ondan sonra Fukuoka prefekturasında yaşayan Yukiti Tüqandzi və xirosimalı qadın Mitoio Kavate gəlirlər. Onların hərəsinin 113 yaşı var. Yukiti Tüqandzi həm də Yer kürəsində ən qoca kişidir.
Gündoğar ölkənin sürətlə “qocalmasına” belə bir fakt da sübut ola bilər ki, ötən il ilə müqayisədə, 100 yaşdan yuxarı yaponların sayı 2459 nəfər artmışdır.
İTAR-TASS-ın verdiyi xəbərə görə, 1963-cü ildə Yaponiyada 100 yaşdan yuxarı cəmi 153 nəfər vardı. 1992-ci ildə isə bu rəqəm 4 mini keçmişdi.
Bölmənin digər xəbərləri
