YAPONİYADA AZƏRBAYCAN UŞAQLARININ RƏSMLƏRİNİN SƏRGİSİ OLACAQ
Azərbaycan Rəssamlar ittifaqı qrafika şöbəsinin rəisi, respublikanın əməkdar rəssamı Ənvər Qarayev AZƏRTAC-ın müxbirinə demişdir ki, hər il Azərbaycan Rəssamlar İttifaqı, Azərbaycan Dövlət Teleradio Verilişləri Şirkəti, Türkiyə və Yaponiyanın Azərbaycandakı səfirlikləri uşaqların ən yaxşı rəsmlərinin sərgisini keçirirlər. Balaca rəssamların builki sərgisi Bakı incəsənət gimnaziyasında açılmışdır. Yaponiyanın Azərbaycandakı səfirliyinin təşkilatçılığı ilə bizim uşaqların rəsmləri bu ilin payızında Tokioda açılacaq sərgidə nümayiş olunacaqdır. Uşaqların Yaponiyaya getmək imkanı olmadığından biz sərgidə bəyənilmiş rəsmləri toplayıb Tokioya göndərəcəyik. İndiyədək balaca rəssamlarımız bir neçə xarici sərgidə uğurla iştirak ediblər. Ümid edirik ki, balaca rəssamlarımızın əl işləri Yaponiyada da mükafata layiq görüləcəkdir.
Bölmənin digər xəbərləri
