“YARADICI QADINLAR ASSOSİASİYASI” XALQ SƏNƏTİ NÜMUNƏLƏRİNƏ HƏSR OLUNMUŞ SATIŞ-SƏRGİ TƏŞKİL ETMİŞDİR
AZƏRTAC xəbər verir ki, noyabrın 10-da Vəcihə Səmədova adına sərgi salonunda Almaniya Xalq Universitetləri Birliyinin Beynəlxalq Əməkdaşlıq İnstitutunun dəstəyi ilə “Yaradıcı Qadınlar Assosiasiyası” Masallı rayonu sənətçilərinin xalq yaradıcılığını əks etdirən əsərlərinin satış-sərgisini təşkil etmişdir. Sərgidəki keramika, şəbəkə, bədii metal, xalçaçılıq, bədii tikmə, kəlağayı, həsir məmulatları tamaşaçıların marağına səbəb olmuşdur.
Rəssamlar İttifaqının mətbuat üzrə müşaviri Ənvər Qarayev sərginin açılışında demişdir ki, Bakı, İsmayıllı, Şəki, Lahıc sərgilərindən sonra, bu, Yaradıcı Qadınlar Assosiasiyası tərəfindən bizim dəstəyimizlə təşkil olunan beşinci satış-sərgidir. Məqsədimiz xalq sənətini inkişaf etdirmək, yaddan çıxmaqda olan qədim sənət növlərini gənclərə təbliğ etməkdir.
Bölmənin digər xəbərləri
