YAŞAYIŞ EVLƏRİNİN TİKİNTİSİ GENİŞLƏNİR
Dövlət Statistika Komitəsindən AZƏRTAC-a verilən məlumata görə, həmin dövrdə bütün maliyyə mənbələri hesabına ölkədə ümumi sahəsi 565,3 min kvadratmetr olan yaşayış evləri inşa edilmişdir. Bu, ötən ilin müvafiq dövrü ilə müqayisədə 38 faiz çoxdur. Yeni yaşayış evlərinin 150-si Ağdamın Ergi qəsəbəsində, 126-sı Şəmkir rayonunun Qaçqınlar qəsəbəsində, 160 ev isə Bakının Mehdiabad qəsəbəsində məskunlaşmış qaçqın və məcburi köçkünlər üçün tikilmişdir. İsmayıllı şəhərində Qarabağ müharibəsi əlilləri və şəhid ailələri üçün ümumi sahəsi 1614 min kvadratmetr olan 27 mənzilli yeni yaşayış evi istifadəyə verilmişdir.
Ötən dövr ərzində təhvil verilmiş yaşayış evlərinin 477,4 min kvadratmetri qeyri-dövlət mülkiyyətində olan müəssisə və təşkilatlar, 87,9 min kvadratmetri isə dövlət mülkiyyətində olan sifarişçi müəssisə və təşkilatlar tərəfindən maliyyələşdirilmişdir.
Bölmənin digər xəbərləri
