YAXIN ÜÇ GÜNDƏ HAVA YAĞMURSUZ KEÇƏCƏKDİR
Ekologiya və Təbii Sərvətlər Nazirliyi Milli Hidrometeorologiya Departamentindən AZƏRTAC-a verilən məlumata görə, oktyabrın 3-də gün ərzində ölkə ərazisində hava şəraiti sabit olacaq, paytaxtda və əksər şəhərlərdə hava əsasən yağmursuz keçəcəkdir. Havanın temperaturu Abşeron yarımadasında 18-20, aran rayonlarda 20-22, dağlıq rayonlarda isə 13-15 dərəcə təşkil edəcəkdir.
Yaxın üç gün ərzində Abşeron yarımadasında mülayim hava şəraiti, biometeoroloji amillərin zəif tərəddüdləri gözlənilir. Meteoroloji şərait meteohəssas insanlar üçün əlverişlidir.
Bölmənin digər xəbərləri
