YEDDİ NƏFƏR İNGİLİS DİLİ MÜƏLLİMİ ABŞ-DA TƏCRÜBƏ KEÇƏCƏK

27.07.2004 [10:30]
Çap et
A⁺ A^-

ABŞ Beynəlxalq Təhsil Şurasının (ACCELS) ölkəmizdəki nümayəndəliyindən AZƏRTAC-ın müxbirinə bildirmişlər ki, qurum həyata keçirdiyi “Tədris üzrə yüksək mükafat” proqramı çərçivəsində bu ölkəyə təcrübə keçmək üçün göndəriləcək daha 7 ingilis dili müəllimini müəyyənləşdirmişdir.

Onlar respublikamızın bütün orta ixtisas məktəblərinin ingilis dili müəllimləri arasında keçirilmiş xüsusi müsabiqə və imtahanlar əsasında seçilmişlər. ABŞ Dövlət Departamenti tərəfindən maliyyələşdirilən bu proqram əsasında müəllimlərimiz yeni tədris metodlarına yiyələnmək və öz təcrübələrini artırmaq məqsədi ilə Kaliforniya ştatındakı Çiko Dövlət Universitetində 7 həftəlik seminar və məşğələlərdə iştirak edəcəklər.

Qeyd edək ki, bu proqramdan indiyədək 21 ingilis dili müəllimi bəhrələnmişdir.