YENİ DƏRS İLİNƏ HAZIRLIQ MƏSƏLƏLƏRİNƏ NƏZARƏT GÜCLƏNDİRİLMİŞDİR
AZƏRTAC-ın müxbiri xəbər verir ki, Xaçmaz Rayon İcra Hakimiyyətində keçirilmiş iclasda məktəblərin yeni dərs ilinə hazırlığının vəziyyəti müzakirə edilmişdir. Rayondakı 120 məktəbdə təmir işlərinin aparıldığı, həmin tədris ocaqlarının bir çoxunun növbəti dərs ilinə artıq hazır olduğu vurğulanmışdır. Qış aylarında sinif otaqlarını qızdırmaq üçün yanacaq, o cümlədən odun tədarük edildiyi, 3 nömrəli məktəbin dam örtüyünün tam dəyişdirildiyi bildirilmişdir.
Son iki ildə Xaçmazda rayonun daxili imkanları hesabına 12 məktəb tikildiyi, Xudat məktəbində əlavə dörd sinif otağı inşa edildiyi qeyd olunmuşdur.
İclasda nöqsanlardan da danışılmış və onların həlli üçün qərar qəbul edilmişdir.
Bölmənin digər xəbərləri
