YENİ DOSTLUQ VƏ SƏNƏT ƏLAQƏLƏRİ
Teatrdan AZƏRTAC-ın müxbirinə demişlər ki, A.Zeynalov Moldova Mədəniyyət Nazirliyi və dünya şöhrətli opera müğənnisi, SSRİ xalq artisti Mariya Bieşunun dəvəti ilə sentyabrın 10-dan 17-dək Kişinyovda olmuşdur. O, XIII Beynəlxalq festivalda fəal iştirakına görə diploma layiq görülmüşdür.
“Mariya Bieşu dəvət edir” adlı festivalda dünyanın bir çox ölkələrindən, o cümlədən ABŞ, Yaponiya, Fransa, İtaliya, Bolqarıstan, Rumıniya, Rusiya, Avstriya, Ukrayna, Türkiyə və Azərbaycandan klassik sənət nümayəndələri ilə bərabər, Moldovanın opera ifaçıları iştirak etmişlər. Festivalda Azər Zeynalov İtalyan bəstəkarı Rucero Leonkavallonun məşhur “Məzhəkəçilər” (Paliacci) operasından Kanio partiyasını ifa etmişdir.
A.Zeynalovun sözlərinə görə, Beynəlxalq festivalda Azərbaycan opera sənətinin nümayəndəsi kimi ölkəmizi təmsil etməkdən qurur hissi keçirir. “Bu çıxış həyatımın ən parlaq səhifələrindən biri oldu, yeni sənət dostları qazandım. Festivalda Mariya Bieşunun böyük sənəti haqqında fikirlərimi söylədim. Bundan sonra M.Bieşu Azərbaycan haqqında, ümummilli liderimiz Heydər Əliyev ilə görüşlərindən danışdı və çıxışını “Viva Azerbaycan” sözləri ilə bitirdi. Gələn il növbəti festivalda dahi italyan bəstəkarı Cakomo Puççininin “Toska” operasından Kavaradossinin partiyasını ifa etmək arzusundayam”.
Bölmənin digər xəbərləri
