YENİ MUĞAM - OPERA
Muğam Teatrında “Məhəbbət hekayəti” adlı yeni muğam- operanın tamaşası hazırlanır.
Teatrdan AZƏRTAC-a bildirmişlər ki, ölkəmizin tarixində ilk dəfə orijinal janrda səhnəyə qoyulacaq bu tamaşaya Ələddin Məmmədəlioğlu quruluş verib. Əli Aslanoğlunun “Məhəbbət hekayəti” əsəri əsasında hazırlanan tamaşa proloqdan və iki hissədən ibarətdir. Premyerası mayın əvvəllərində nəzərdə tutulan tamaşada 7 obraz canlandırılacaq. Aşıq rolunu Səbuhi İbayev, Məşuqu Tərgül Orucova, Əğyarı Qüdrət Hüseynov oynayacaqlar.
Tamaşanın musiqi tərtibatını da Ə.Məmmədəlioğlu vermişdir.
Bölmənin digər xəbərləri
