Yeni nəsil NKA-lar vasitəsilə dövriyyə 18,6 milyard manatdan çox olub
Bakı, 16 noyabr, AZƏRTAC
Dövlət Vergi Xidməti tərəfindən ölkədə yeni nəsil nəzarət-kassa aparatlarının (NKA) tətbiqi istiqamətində işlər davam etdirilir.
AZƏRTAC Dövlət Vergi Xidmətinə istinadla xəbər verir ki, noyabrın 1-nə ölkə ərazisində 77 min 979 ədəd yeni nəsil NKA quraşdırılıb.
Yeni nəsil NKA-dan istifadə hesablaşmaların daha şəffaf aparılmasına, malların qanunsuz dövriyyəsinin qarşısının alınmasına və dövriyyəyə nəzarətin təmin edilməsinə imkan yaradıb.
Cari ilin yanvar-oktyabr aylarında həmin NKA-lar vasitəsilə qeydə alınan dövriyyə 18 milyard 605,9 milyon manatdan artıq olub ki, bu da ötən ilin eyni dövrü ilə müqayisədə 49 faiz çoxdur.
Bölmənin digər xəbərləri
