YENİ TİKİLƏN BİNALARDA 3 OTAQLI MƏNZİLLƏR DAHA ÇOX PAYA MALİKDİR
“Əmlak Bazarı İştirakçıları” İctimai Birliyindən AZƏRTAC-a bildirmişlər ki, iyulda Bakı şəhəri üzrə tikintisi aparılan binalarda orta mənzil sahəsi iyun ayı ilə müqayisədə 0,7 faiz azalaraq 119,7 kvadratmetr təşkil etmişdir. Mərtəbə göstəricisi 14,9 mərtəbədən 15,1 mərtəbəyə yüksəlmişdir. Bu, bazara daha hündürmərtəbəli binaların daxil olması prosesi ilə bağlıdır. Artıq Bakıda, ilk dəfə olaraq, 55 mərtəbəli yaşayış binasının təməli qoyulmuşdur.
Yeni tikilən binalarda 3 otaqlı mənzillər yenə də ən çox paya malikdir. İyulda 1 otaqlı mənzillərin orta otaq göstəricisi 58,6 kvadratmetr, 2 otaqlılarınkı 92,8 kvadratmetr, 3 otaqlılarınkı 133,4 kvadratmetr, 4 otaqlılarınkı 180,8 kvadratmetr, 5 otaqlılarınkı isə 257,9 kvadratmetr təşkil etmişdir.
Bölmənin digər xəbərləri
