Yeniyetmə boksçuların ümummilli lider Heydər Əliyevin xatirəsinə həsr olunmuş turniri başlamışdır
Bakı, 11 may (AZƏRTAC). Bakı İdman Sarayında yeniyetmələr arasında ümummilli lider Heydər Əliyevin xatirəsinə həsr olunmuş ənənəvi boks turniri başlamışdır.
Azərbaycan Boks Federasiyasından AZƏRTAC-a verilən məlumata görə, 9-cu dəfə keçirilən turnirdə 12 ölkənin 141 yeniyetmə boksçusu mübarizə aparır.
Yarışın ilk günündə Azərbaycan idmançılarından Araz Gülməmmədov (46 kq), Elnur Şərifzadə (46 kq), Xəyyam Məmmədov (46 kq), Orxan Əliyev (50 kq), Mətin İsmayılov (50 kq) və Telman Qafarlı (60 kq) rəqibləri üzərində qələbə qazanaraq, növbəti mərhələyə vəsiqə qazanmışlar. 13 çəki dərəcəsi üzrə keçirilən turnirə mayın 14-də yekun vurulacaqdır.
Bölmənin digər xəbərləri
