Yeniyetmə güləşçilər arasında zona birincilikləri keçiriləcək
Bakı, 21 yanvar, AZƏRTAC
Yeniyetmə güləşçilər arasında zona birincilikləri keçiriləcək.
Azərbaycan Güləş Federasiyasından AZƏRTAC-a bildiriblər ki, fevralda təşkil olunacaq ölkə çempionatına seçim xarakteri daşıyan yarışlar beş məkanda baş tutacaq. Belə ki, yanvarın 22-23-də Sabirabadda, yanvarın 24-25-də Sumqayıtda, ayın 26-27-də Yevlaxda, yanvarın 29-30-da isə Gəncədə yeniyetmələrin mübarizəsi təşkil olunacaq.
Bakı çempionatı isə yanvarın 22-dən 26-dək davam edəcək. Yarışda paytaxtın gənc güləşçiləri də qüvvələrini sınayacaqlar.
Bölmənin digər xəbərləri
