YENİYETMƏLƏR ARASINDA AVARÇƏKMƏ ÜZRƏ AZƏRBAYCAN BİRİNCİLİYİ BAŞA ÇATMIŞDIR
Bakı, 20 oktyabr (AZƏRTAC). Mingəçevirdə yeniyetmələr arasında avarçəkmə üzrə Azərbaycan birinciliyi başa çatmışdır.
Akademik avarçəkmə üzrə 1991-1992-ci il təvəllüdlü idmançılar 1500, 2000 metr, 1995-1996-cı illərdə anadan olmuş avarçəkənlər isə 1000 metr məsafə üzrə yarışmışlar.
Kayak və kanoyedə avarçəkənlər tək və cüt halda 1000, 500 və 200 metr məsafə üzrə mübarizə aparmışlar.
1993-1994-cü il təvvəllüdlü oğlanların akademik avarçəkmə üzrə 1500 metr məsafəyə 1 nəfərlik qayıqda yarışında Kərim Əsgərov fəxri kürsünün ən yüksək pilləsinə qalxmışdır.
Eyni məsafəyə 2 nəfərlik qayıqda mübarizədə Bayram Əliyev qızıl medal qazanmışdır.
1991-1992-ci il təvvəllüdlü idmançıların 1000 metr məsafəyə kayak qayıqları ilə yarışında isə Mirnazim Cavadov birinci olmuşdur.
Qadınların 500 metr məsafəyə birnəfərlik kayak yarışlarında Nuriyə Axundova finiş xəttini hamıdan tez keçmişdir.
Ümumiyyətlə, həm akademik avarçəkmə, həm də kayak və kanoe qayıqlarında daha bir neçə məsafəyə yarışmada qaliblər müəyyənləşmişdir.
Bölmənin digər xəbərləri
