Yeniyetmələrdən ibarət taekvondo üzrə millimiz dünya birinciliyində 10 idmançı ilə təmsil olunacaq
Bakı, 5 avqust, AZƏRTAC
Azərbaycanın yeniyetmələrdən ibarət taekvondo üzrə milli komandası avqustun 7-10-da Özbəkistanda keçiriləcək dünya birinciliyində iştirak edəcək.
AZƏRTAC xəbər verir ki, artıq təlim-məşq toplanışını başa vuran millimiz dünya birinciliyinə qatılmaq üçün Daşkəndə yola düşüb.
Yarışda yığmanın üzvləri yeddi oğlan və üç qız taekvondoçu ilə təmsil olunacaq və 10 çəki dərəcəsində mübarizə aparacaqlar.
Milli komandamızın baş məşqçisi Səbuhi Zülfüqarov və böyük məşqçi Sənan Həşimov oğlan taekvondoçulardan Şamil Mirzəyev (33 kq), Nihad Məmmədzadə (37 kq), Pünhan Mürsəlov (41 kq), Kənan Əmiraslanov (45 kq), Fərid Əliyev (49 kq), Nizami Hacıyev (53 kq) və Asim Əlimova (65 kq-dan yuxarı) şans verəcək.
Qızlardan isə Zemfira Həsənzadə (29 kq), Nəzirə Ölməz (47 kq) və Səmmərux Osmanova (51 kq) yığmanın heyətində yer alacaq.
Bölmənin digər xəbərləri
