YEVLAXDA YAZ-TARLA İŞLƏRİ GENİŞ VÜSƏT ALMIŞDIR
Yevlax, 16 aprel (AZƏRTAC). Yevlax rayonunda yaz-tarla işləri geniş vüsət almışdır. Rayon statistika idarəsindən bildirmişlər ki, torpaq mülkiyyətçiləri tərəfindən aprelin 1-dək 2.536 hektar sahədə müxtəlif növ yazlıq bitkilər əkilmişdir. Bunun 610 hektarı tərəvəz, 1.346 hektarı yonca, 580 hektarı kartof və s. bitkilərdir. Hazırda əkin işləri davam etdirilir.
Rayonda payızlıq taxıl sahələrinin becərilməsi də müvəffəqiyyətlə həyata keçirilir. Əkin yerlərinə gübrə verilir, alaq otlarına qarşı herbisid çilənir. Ötən ilin payızında cari ilin məhsulu üçün 11 min 303 hektar sahəyə taxıl səpilmişdir. Bunun 9.569 hektarı buğda, 1.734 hektarı arpadır.
Bölmənin digər xəbərləri
