YUNANISTAN AVROPANIN ƏN YOXSUL ÖLKƏSİDİR
AZƏRTAC xarici KİV-lərə istinadla xəbər verir ki, Avropa Statistika Xidmətinin məlumatına görə, Yunanıstan əhalisinin əksər hissəsi yoxsulluqda yaşayan Avropa ölkələri siyahısında birinci yeri tutur. Dövrümüzün başlıca rifahlarından istifadə etmək üçün maddi çətinlik çəkən əhalinin sayına görə isə, Yunanıstan ikinci yerdədir. Tədqiqatların nəticələrinə görə, Yunanıstanın hər beş sakinindən biri yoxsulluq həddindədir. Ailələrin 21 faizinin gəliri ölkə üzrə ümumi gəlirin 60 faizindən çox deyildir. Bu, 25 Avropa ölkəsi arasında Slovakiya və İrlandiya ilə yanaşı ən yüksək faizdir.
Üç yunandan biri ən adi ehtiyacların ödənilməsində çətinlik çəkir. Məsələn, əhalinin yalnız 38 faizinin ildə bir dəfə on gün mehmanxanada dincəlmək, mənzilin icarə haqqını və ya kreditlər üzrə faizləri vaxtında ödəmək, iki gündən bir nahara ət xörəyi bişirmək və mənzilini lazımi dərəcədə isitmək imkanı var. Bu, Avropada Portuqaliyadan sonra ən pis göstəricidir.
Bölmənin digər xəbərləri
