Yunanıstan Beynəlxalq Valyuta Fonduna borcunu tezliklə ödəmək niyyətindədir
Afina, 10 aprel, AZƏRTAC
Yunanıstan Beynəlxalq Valyuta Fonduna (IMF) borcunu tezliklə ödəmək niyyətindədir.
AZƏRTAC xəbər verir ki, Yunanıstanın maliyyə naziri Evklid Tsakalotos ölkəsinin nəzərdə tutulan vaxtdan tez IMF-yə olan borcunu ödəmək niyyətində olduğunu bildirib. Deyib ki, buna səbəb qurumun Yunanıstana böyük faizlərlə kredit ayırmasıdır.
Nazirin fikrincə, 5 faizlə ayrılan krediti hazırda Yunanıstan 3,4 faizlə əldə edə bilər. Eyni zamanda, Avropada stabillik mexanizmi tərəfindən ayrılan kreditlər Yunanıstana 1,5 faizlə verilir.
Qeyd edək ki, 2018-ci ilin avqustunda yunan hökuməti rəsmi olaraq dünya maliyyə böhranının nəticələri ilə mübarizəyə dəstək proqramından çıxdığını bəyan edib.
İqbal Hacıyev
AZƏRTAC-ın xüsusi müxbiri
Afina
Bölmənin digər xəbərləri
