Yunanıstan portalında Nizami Gəncəvi haqqında məqalə dərc edilib
Bakı, 2 noyabr, AZƏRTAC
Yunanıstanın “karfitsa.gr” xəbər portalında “Nizami Gəncəvinin yaradıcılığında insan hüquqlarının təbliği” sərlövhəli məqalə dərc olunub.
Diasporla İş üzrə Dövlət Komitəsindən AZƏRTAC-a bildiriblər ki, “QALA” Yunanıstan-Azərbaycan Dostluq Assosiasiyasının baş katibi Salatın Məmmədlinin müəllifi olduğu məqalədə XII əsrdə yaşamış dahi Azərbaycan şairi və mütəfəkkiri Nizami Gəncəvinin demokratik, humanist, sosial ədalət və bərabərlik ideyalarının parlaq təbliğatçısı olduğuna, bəşəriyyətin xoşbəxt gələcəyini arzuladığına diqqət cəlb edilib.
“Nizami öz dövrünün bənzərsiz humanist mütəfəkkiri idi. Bunu onun əsərlərində irəli sürdüyü ictimai-siyasi ideyaların məzmunu da təsdiqləyir”, - deyə müəllif vurğulayıb.
Bölmənin digər xəbərləri
