YUNİFEM QADINLARIN DİPLOMATİYADA ROLUNU MÜZAKİRƏ ETMİŞDİR
Oktyabrın 31-də BMT-nin Qadınların Mənafeyi Naminə İnkişaf Fondu (YUNİFEM) Bakıda “Qadınların diplomatiyada rolu” mövzusunda tədbir keçirmişdir. Tədbir BMT Təhlükəsizlik Şurasının qadınlar, sülh və dünyada təhlükəsizlik məsələləri haqqında 1325 nömrəli qətnaməsinin qəbul edilməsinin ikinci ildönümünə həsr olunmuşdu. Onu YUNİFEM-in “Qadinlar Cənubi Qafqazda münaqişələrin qarşısının alınması və sülh uğrunda” regional layihəsinin Bakı ofisi təşkil etmişdi.
Azərbaycanda akkreditə olunmuş qadın-səfirlər - Misir səfiri xanım Cahan Əmin Məhəmməd Əlinin, İtaliya səfiri xanım Marqarita Kostanın, Fransa səfiri xanım Şantal Puarenın, ABŞ səfirinin müavini xanım Nensi MakEldoninin qadınların diplomatiyada rolu mövzusunda məruzələri dinlənilmişdir. Onlar şəxsi diplomatik təcrübələrindən danışaraq, qadınların qanunvericilik orqanlarında fəal iştirakının vacibliyini vurğulamışlar.
Tədbirdə Milli Məclisin üzvləri , Xarici İşlər Nazirliyinin, digər dövlət strukturlarının əməkdaşları, beynəlxalq və qeyri-hökumət təşkilatlarının, siyasi partiyaların nümayəndələri, habelə BMT Təhlükəsizlik Şurası Qətnaməsinin təbliği üçün yaradılmış “Koalisiya - 1325” qadın koalisiyasına üzvləri iştirak etmişlər.
Bölmənin digər xəbərləri
