YUTADA QƏDİM HİNDİ MƏSKƏNİ TAPILMIŞDIR
AZƏRTAC Assoşieyted Press agentliyinə istinadla xəbər verir ki, ABŞ arxeoloqları Yuta ştatının şərqindəki kanyonda qədim paleohindi sivilizasiyasının qalıqlarını aşkar etmişlər. Eramızdan 750 il əvvəl bu kanyonda Şimali Amerikanın sakinləri olmuş qədim hindilərə məxsus 250-dən çox yaşayış yeri mövcud idi. İndi həmin tikililərin rəngarəng həndəsi fiqurlarla bəzədilmiş daş divarları və taxıl anbarlarına bənzər təsərrüfat binaları torpaq altında qalmışdır.
Alimlərin fikrincə, həmin yaşayış məskənini hindilərin geniş yayılmış arxaik qruplarından olan “Fremont xalqı” salmışdır. Bu xalq qitənin 10 min il əvvəl Berinq körfəzi vasitəsilə Şimali Amerikaya gələn ən qədim sakinlərindən törəmişdir. Fremont tayfaları bu sivilizasiyanın qalıqlarını ilk dəfə tapmış ispan tədqiqatçısının şərəfinə belə adlandırılmışlar.
Bölmənin digər xəbərləri
