YÜZ YAŞLI RUT NƏNƏ DÜNYA REKORDU VURMUŞDUR
Bakı, 12 oktyabr (AZƏRTAC). Yüz yaşlı Avstraliya sakini kürəitələmə yarışlarında yeni dünya rekordu müəyyən etmişdir. Brisben şəhərindən olan Rut Frit Sidneydə keçirilən veteranlar arasında Ümumdünya oyunlarının təşkilatçılarını, iştirakçılarını və izləyicilərini mat qoymuşdur.
Rut nənə Olimpiya stadionunda misilsiz qələbə əzmi nümayiş etdirərək, dörd metr yeddi santimetr nəticə göstərmişdir. “100-104 yaşlı qadınlar” kateqoriyasında yarışlarda iştirak edən həvəskar idmançının bu zəfərinə həmin yaş qrupunda qələbəyə yeganə namizəd olması belə kölgə sala bilməmişdir.
Rut nənə həftədə beş dəfə məşq edir, 35 kiloqramlıq ştanqı rahat qaldırır. Asudə vaxtlarında isə təmiz havada gəzməyi, kürə itələməyi və nizə atmağı xoşlayır.
Bölmənin digər xəbərləri
