ZAQATALA KƏNDLƏRİNDƏ «AÇIQ QAPI» GÜNLƏRİ KEÇİRİLİR
İcra hakimiyyətindən AZƏRTAC- ın müxbirinə bildirmişlər ki, rayon rəhbərliyinin, yerli idarəetmə orqanlarının və xidmət təşkilatlarının rəhbərlərinin iştirakı ilə rayonun Maqov, Muxax, Danaçı və Çobankol kəndlərində keçirilən görüşlərdə vətəndaşların müraciətləri, ərizə və şikayətləri diqqətlə dinlənilmiş, araşdırılmış və onların haqlı tələblərinin yerinə yetirilməsi üçün əlaqədar müəssisə rəhbərlərinə konkret tapşırıqlar verilmişdir. Görüşlərdə vətəndaşların ərizə və şikayətlərinə baxılmasında, qaldırılan problemlərin həllində süründürməçiliyə yol verilməməsi, əhalini narahat edən məsələlərin yerindəcə həll edilməsi yerli idarəetmə orqanlarının rəhbərlərinə xüsusi olaraq tapşırılmışdır. Kənd sakinləri belə tədbirlərin keçirilməsini razılıqla qarşılamışlar.
Növbəti görüşün Bəhmətli kəndində keçirilməsi planlaşdırılır.
Bölmənin digər xəbərləri
