ZAQATALADA 30 TONDAN ARTIQ QIZILGÜL LƏÇƏYİ YIĞILMIŞDIR
Zaqatala Rayon İcra Hakimiyyətindən AZƏRTAC-a bildirmişlər ki, rayonun qızılgül plantasiyalarında gül ləçəyi yığımı başa çatmışdır.
Cari mövsümdə plantasiyalardan 30 tondan artıq qızılgül ləçəyi yığılmışdır ki, bu da əvvəlki illə müqayisədə 4 ton çoxdur. Tədarük edilmiş məhsul emal olunmaq üçün rayonun Qazangül qəsəbəsində fəaliyyət göstərən “Cəliar” şirkətinə məxsus gül yağı zavoduna təhvil verilmişdir. Zavodda istehsal olunan gül yağı, habelə bir neçə çeşiddə kosmetika məhsulları satış üçün əsasən respublikanın daxili bazarlarına çıxarılır.
Bölmənin digər xəbərləri
