ZAQATALADA BİTKİÇİLİK MƏHSULLARI YIĞIMI BAŞA ÇATMIŞDIR
Zaqatala Rayon İcra Hakimiyyətindən AZƏRTAC-a bildirmişlər ki, meyvə istisna olunmaqla, rayonun təsərrüfatlarında bitkiçilik məhsulları yığımı başa çatmışdır.
Fermerlər cari ildə 4 min 580 hektar sahədən 27 min 837 ton qarğıdalı yığmışlar ki, bu da əvvəlki illə müqayisədə 4 min 682 ton çoxdur. Hər hektardan orta məhsuldarlıq 60,8 sentner təşkil etmişdir. Kartof istehsalı keçən ilə nisbətən 1074 ton artaraq 13 min 410 tona, tərəvəz istehsalı 329 ton artaraq 17 min 431 tona, tütün istehsalı isə 16 ton artaraq 988 tona çatdırılmışdır.
Hazırda rayonda meyvə, əsasən də xurma yığımı davam edir. İndiyədək bağlardan 24 min 69 ton meyvə yığılmışdır. Bu, əvvəlki illə müqayisədə 1310 ton çoxdur.
Bölmənin digər xəbərləri
