ZAQATALADA “HEYDƏR ƏLİYEV VƏ AZƏRBAYCAN GƏNCLƏRİ” MÖVZUSUNDA KONFRANS KEÇİRİLMİŞDİR
Konfransın iştirakçıları əvvəlcə ümummilli liderimiz Heydər Əliyevin şəhərin mədəniyyət və istirahət parkında ucaldılmış abidəsini ziyarət etmiş, ulu öndərin heykəli önünə əklillər qoymuş, gül-çiçək dəstələri düzmüşlər.
Tədbirdə Zaqatala Rayon gənclər və idman idarəsinin rəisi Araz Əliyev “Heydər Əliyev və Azərbaycan gəncliyi” mövzusunda məruzə etmişdir.
Konfransda ARDNŞ Neft Kəmərləri İdarəsinin əməkdaşları Fuad İbrahimov, Rauf Ağayev, Səidə Abdullayeva, gənc sahibkar Azad Köngülov və başqaları respublikamızın sosial-iqtisadi həyatında gənclərin yeri və rolu barədə ətraflı məlumat vermiş, qazandıqları uğurlardan danışmışlar.
Tədbirin sonunda iştirakçılar adından Prezident İlham Əliyevə müraciət qəbul olunmuşdur.
