ZAQATALADA ON AQROTEXSERVİS MÜƏSSİSƏSİ YARADILACAQDIR
Fermerlərin texniki təminatının yaxşılaşdırılması, onların kənd təsərrüfatı texnikasına, ehtiyat hissələrə və digər xidmətlərə olan tələbatının ödənilməsi məqsədi ilə növbəti üç ildə Zaqatala rayonunda on aqrotexservis müəssisəsinin yaradılması nəzərdə tutulur. Onlardan dördü bu ilin sonunadək fəaliyyətə başlayacaqdır.
İcra hakimiyyətindən AZƏRTAC-ın müxbirinə bildirmişlər ki, regionların sosial-iqtisadi inkişafına dair dövlət proqramından irəli gələn vəzifələrin icrasına uyğun olaraq həyata keçirilən bu tədbir rayonda kənd təsərrüfatının dinamik inkişafına kömək edəcək və 200 nəfərə yaxın kənd sakininin iş yeri ilə təmin olunmasına şərait yaradacaqdır.
Bölmənin digər xəbərləri
