Zaur Hüseynov: Sıxlığa rast gəlməmək üçün maksimal sayda qatardan istifadə olunacaq
Bakı, 8 may, AZƏRTAC
Metro stansiyalarında sıxlığın aradan qaldırılması üçün maksimal sayda qatardan istifadə olunacaq. Əgər sıxlığı aradan qaldırmaq mümkün olmasa, metronun fəaliyyəti yenidən bağlana bilər. Bu, istisna deyil. Amma biz çalışacağıq ki, sıxlığın aradan qaldırılması üçün bütün üsullardan istifadə edək.
AZƏRTAC xəbər verir ki, bunu Nazirlər Kabineti yanında Operativ Qərargahın brifinqində "Bakı Metropoliteni" QSC-nin sədri Zaur Hüseynov bildirib.
Onun sözlərinə görə, metro stansiyalarında sıxlığın aradan qaldırılması üçün bütün tədbirlər görüləcək.
Xatırladaq ki, yeni növ koronavirus infeksiyası (COVID-19) ilə əlaqədar Azərbaycan Respublikası ərazisində tətbiq olunan xüsusi karantin rejiminin mərhələli yumşalma planına və mövcud sanitar-epidemioloji vəziyyətə uyğun olaraq Bakı Metropoliteninin fəaliyyətinin 2020-ci il mayın 9-da saat 06.00-dan etibarən bərpa edilməsinə dair qərar verilib.
Bölmənin digər xəbərləri
