Zəfər Tibb Simpoziumunun iştirakçıları Göygöl və Gəncə şəhərlərinə səfər ediblər
Gəncə, 30 oktyabr, Elcan Məmmədov, AZƏRTAC
Azərbaycanda keçirilən Zəfər Tibb Simpoziumunun iştirakçıları oktyabrın 30-da Göygöl və Gəncə şəhərlərinə səfər ediblər.
AZƏRTAC-ın bölgə müxbiri xəbər verir ki, qonaqlar əsası 1819-cu ildə alman koloniyaçıları tərəfindən qoyulan Göygöl şəhərində Tarix-Diyarşünaslıq Muzeyi, qədim alman izləri, “Müqəddəs İohann kilsəsi” ilə tanış olub, Gəncə şəhərində Vətən müharibəsi zamanı Ermənistan silahlı qüvvələri tərəfindən bombalanmış əraziyə baş çəkib, həlak olan dinc sakinlərin xatirəsini anıblar.
Qeyd edək ki, Zəfər Tibb Simpoziumu Səhiyyə Nazirliyi, Diasporla İş üzrə Dövlət Komitəsi və Almaniya-Azərbaycan Radioloji və Neyroradioloji Cəmiyyətinin birgə təşkilatçılığı ilə təşkil olunub.
Bölmənin digər xəbərləri
