ZEMFİRA MEFTAHƏDDİNOVA DÜNYA KUBOKUNUN MƏRHƏLƏ YARIŞINDA BEŞİNCİ YER TUTMUŞDUR
AZƏRTAC xəbər verir ki, Çinin Ginqyuan şəhərində stend atıcılığı üzrə dünya kubokunun mərhələ yarışı başa çatmışdır. Respublikamızı turnirdə Sidney Olimpiadasının qalibi Zemfira Meftahəddinova və Emil Cəfərov təmsil etmişlər. Yarışın finalına çıxan Zemfira Meftahəddinova 26 idmançı arasında 5-ci yer tutmuşdur. Lakin bu nəticə onun Pekin Olimpiya Oyunlarına vəsiqə qazanması üçün kifayət etməmişdir. Birinci yerə isə çinli Şi Honq Yan layiq görülmüşdür. Lakin bu idmançı lisenziyanı əvvəlki turnirlərdə təmin etdiyindən Pekin Olimpiadasına vəsiqəni ikinci yerin sahibi almaniyalı Kristen Brinker qazanmışdır.
Emin Cəfərov isə 63 idmançı arasında 29-cu yerlə kifayətlənməli olmuşdur.
Bölmənin digər xəbərləri
