Zolitudedə faciə qurbanlarının sayı 49 nəfərə çatmışdır
Riqa, 22 noyabr (AZƏRTAC). Son məlumata görə, Zolitudidə “Maxima” ticarət mərkəzində damın uçması nəticəsində 49 nəfər həlak olmuşdur. Onların arasında üç xilasedici və “Maxima” ticarət mərkəzinin dörd işçisi vardır. Dağıntı sahəsi təqribən 500 kvadratmetrlik ərazini əhatə edir. Şahidlərin fikrincə, dağıntıya binanın damında gedən tikinti işləri səbəb ola bilər. Zolitudedə “Maxima” mağazasının binasını tikmiş tikinti şirkətləri günahlarının sübut olunduğu təqdirdə faciəyə görə məsuliyyət daşımağa hazırdırlar.
Müstəqil ekspert, inşaat mühəndisi Valters Tselminş bildirmişdir ki, Zolitudedə “Maxima” mağazasının tikintisi prosesində açıq-aşkar səhvə yol verilmişdir, amma bu səhvi hələ müəyyənləşdirmək lazım gələcəkdir. Tselminş demişdir: “Belə bir faciə baş vermişsə, deməli, haradasa səhvə yol verilmişdir. Onu müəyyənləşdirmək üçün mən bütün layihəni yenidən nəzərdən keçirməyi planlaşdırıram. Buna nə qədər vaxt sərf olunacağını deyə bilmərəm”.
Nigar Cəfərli
AZƏRTAC-ın xüsusi müxbiri
Riqa
Bölmənin digər xəbərləri
