Zurab Azmayparaşvili Avropa Şahmat İttifaqının prezidenti olmaq istəyir
Bakı, 18 noyabr (AZƏRTAC). Gürcüstan qrossmeysteri Zurab Azmayparaşvili rəsmən elan etmişdir ki, 2014-cü ildə keçiriləcək seçkilərdə Avropa Şahmat İttifaqının (AŞİ) prezidenti vəzifəsinə öz namizədliyini irəli sürür.
AZƏRTAC-ın verdiyi xəbərə görə, bundan əvvəl qrossmeyster və Gürcüstanın idman nazirinin müavini bildirmişdi ki, yalnız “Avropa İttifaqına ildə 100 min avro və daha çox vəsait qoya biləcək” sponsor tapsa, namizədliyini irəli sürəcəkdir.
Çox güman ki, Azmayparaşvili ittifaqın 2010-cu il seçkilərində onun dəstəklədiyi indiki başçısı Silvio Danailovun əsas rəqibi olacaqdır. Bu yaxınlarda gürcü məmur Danailovun fəaliyyətini tənqid etmişdi. Lakin o bildirmişdi ki, seçkilərə onun əleyhinə çıxmaq üçün deyil, Avropa şahmatında vəziyyəti yaxşılaşdırmaq və daha çox sponsor cəlb etmək məqsədi ilə gedir.
Bölmənin digər xəbərləri
